71 202-07-07
Tilni tanlang
O'zbek

Voluto va Asia Alliance Bank moliyaviy texnologiyalar sohasida hamkorlik toʻgʻrisidagi memorandumni imzoladi

Bank va litsenziyalangan kripto-provayder oʻz mijozlari uchun raqamli moliyaviy xizmatlarni birgalikda rivojlantirish niyatida
img

Toshkent, 2026-yil 18-noyabr. «Asia Alliance Bank» ATB hamda kripto-aktivlar aylanmasi sohasida litsenziyaga ega xizmat koʻrsatuvchi Voluto («PAYNET CRYPTO» MChJ) rasmiy uchrashuv oʻtkazdi. Uchrashuvda tomonlar oʻzaro hamkorlikni kengaytirish rejalarini mustahkamladi va bank hamda raqamli moliyaviy xizmatlar sohasida hamkorlik toʻgʻrisidagi memorandumni imzoladi.

Hujjatni bank Boshqaruvi raisi Abduazimov Umidjon Abduazim oʻgʻli va Voluto bosh direktorining oʻrinbosari Arnoldi Gzirovi imzoladi.

Kelishuv tashkilotlar oʻrtasida allaqachon yoʻlga qoʻyilgan ishbilarmonlik munosabatlarining davomi boʻldi va kelgusidagi hamkorlik uchun asos yaratdi. Uning asosiy maqsadi tomonlarning salohiyatini birlashtirib, har ikki tashkilot mijozlarining ehtiyojlariga yoʻnaltirilgan moliyaviy yechimlarni rivojlantirishdan iborat.

Tomonlar bir nechta yoʻnalishni ishlab chiqadi, jumladan Voluto foydalanuvchilari uchun bankning toʻlov kartalari va toʻlov xizmatlari, shuningdek bank mijozlari uchun raqamli moliyaviy xizmatlar. Har bir yoʻnalish boʻyicha shartlar alohida shartnomalarda belgilanadi.

Memorandumning imzolanishi Voluto va Asia Alliance Bank anʼanaviy bank infratuzilmasi bilan raqamli aktivlar sektori oʻrtasidagi oʻzaro hamkorlikni izchil rivojlantirishga intilayotganini aks ettiradi. Tomonlar toʻplangan tajriba va texnologik imkoniyatlardan Oʻzbekiston bozorida moliyaviy xizmatlarning yangi formatlarini oʻrganish uchun foydalanish niyatida.

«Banklar bilan hamkorlik Volutoni qanday qurayotganimizning asosidir. Asia Alliance Bank bilan biz allaqachon ishlayapmiz, memorandum esa navbatdagi bosqichni ochadi: birgalikda har ikki kompaniya mijozlari uchun xizmatlarni rivojlantiramiz», dedi Voluto bosh direktorining oʻrinbosari Arnoldi Gzirovi.

Erishilgan kelishuvlar keyingi muloqot, qoʻshma tashabbuslarni ishlab chiqish va moliyaviy infratuzilma imkoniyatlarini izchil kengaytirish uchun asos boʻladi.

«Asia Alliance Bank uchun mijozlarga zamonaviy va qulay moliyaviy yechimlarni taklif etish muhim. Biz Voluto bilan allaqachon muvaffaqiyatli ishlayapmiz va memorandum hamkorlikni yangi bosqichga olib chiqish imkonini beradi. Birgalikda mijozlarimizning talablariga javob beradigan va bozorda yangi standartlarni belgilaydigan mahsulotlarni tezroq ishga tushira olamiz», dedi «Asia Alliance Bank» ATB Boshqaruvi raisi Umidjon Abduazimov.

Voluto haqida

Voluto Oʻzbekiston Respublikasida kripto-aktivlar aylanmasi sohasida litsenziyaga ega xizmat koʻrsatuvchi kompaniyadir. Powered by Paynet.

Kompaniya Oʻzbekiston Respublikasi Istiqbolli loyihalar milliy agentligi tomonidan berilgan litsenziyalar asosida faoliyat yuritadi:

Asia Alliance Bank haqida

«Asia Alliance Bank» ATB 2009-yil avgustda tashkil etilgan Oʻzbekiston Respublikasining universal tijorat bankidir. Bosh ofisi Toshkentda joylashgan. Bank jismoniy va yuridik shaxslarga xizmat koʻrsatadi, kichik va oʻrta biznesni qoʻllab-quvvatlash hamda raqamli xizmatlarni rivojlantirishga alohida eʼtibor qaratadi.

Batafsil saytda: voluto.uz